Նրանք մրցավազքի մեջ են մտնում Թուրքիային մարտահրավեր նետելու համար․ Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ տարածաշրջանում Իսրայելի ծրագրերը չեն սահմանափակվում Պաղեստինով և Լիբանանով, և երկիրը մարտահրավեր է նետում Թուրքիային:
«Իսրայելը նենգ ծրագիր է իրականացնում, որը չի սահմանափակվում Գազայի հատվածով, Հորդանան գետի Արեւմտյան ափով եւ Լիբանանով։ Պետք չէ մարգարե լինել՝ տեսնելու դրա վերջնական նպատակը։ Յուրաքանչյուր ոք, ով գիտի պատմությունը, կրոնների, քաղաքականության և դիվանագիտության պատմությունը, հեշտությամբ կտեսնի կապը Երուսաղեմի, Ալ-Աքսա մզկիթի և խոստացված երկրի պատրանքի հետ: Մենք շատ լավ գիտենք, թե ինչ է Ավետյաց երկիրը։ Նրանք (Իսրայելի ղեկավարությունը) բառացիորեն մրցավազքի մեջ են մտնում Թուրքիային մարտահրավեր նետելու համար։ Մենք դա լավ գիտենք։ Իսրայելի ներկայիս վարչակազմը բացահայտում է իր իրական մտադրությունները իր յուրաքանչյուր հայտարարությամբ և իր ցուցադրած յուրաքանչյուր քարտեզով», - հայտարարել Է Էրդողանը Ադանայում ելույթի ժամանակ: Հեռարձակումն իրականացրել են տեղական հեռուստաալիքները։
Նա նաև քննադատել Է Իսրայելին ՄԱԿ-ի գլխավոր քարտուղար Անտոնիո Գուտերեշին պերսոնա նոն գրատա՝ անցանկալի անձ, հայտարարելու որոշման համար:
«Ամեն անգամ, երբ տարածաշրջանը մոտենում է հրադադարի, խաղաղության և հանգստության, Իսրայելի կառավարությունը սադրանքներ է իրականացնում, որոնք խաթարում են այդ գործընթացները։ Նրանք օգտագործում են բոլոր միջոցները՝ հրդեհը տարածելով ամբողջ տարածաշրջանում և այն լցնելով արյունով և արցունքներով: Միջազգային իրավունքն ամբողջությամբ մի կողմ է շպրտվել», - նշել Է Էրդողանը։
«Իսրայելն առանց ամոթի մարտահրավեր է նետում ՄԱԿ-ի գլխավոր քարտուղար Գուտերեշին։ Հայտարարում է, որ նա արգելված է։ Դու ով ես, որ ՄԱԿ-ի գլխավոր քարտուղարին ինչ-որ բան արգելես։ Դե, հիմա աշխարհի 196 երկրները, կարծում եմ, աջակցություն կհայտնեն ՄԱԿ -ի գլխավոր քարտուղարին», - ասել Է Էրդողանը։
Իսրայելի արտաքին գործերի նախարար Իսրայել Կացը հոկտեմբերի 2-ին արգելել Է ՄԱԿ-ի գլխավոր քարտուղար Անտոնիու Գուտերեշի մուտքը հրեական պետություն և նրան պերսոնա նոն գրադա Է հայտարարել՝ նրա կողմից Իսրայելի վրա Իրանի հարձակումը դատապարտելու բացակայության պատճառով:
Նմանատիպ հոդվածներ
Հայտնի է՝ ինչու է արգելվել Սամվել Ալեքսանյանի մուտքը Ռուսաստան
ՀՀ ԱԳՆ-ն պատասխանել է Ալիևին
Մինասյանից հետո հրաժարական է տվել ևս մեկ բարձրաստիճան պաշտոնյա․ «Հրապարակ»
Ռուբեն Վարդանյանի պաշտպանական թիմի հայտարարությունը
Ավելին Քաղաքականություն բաժնից
Լուրերը մեկ տողով. Մերձավոր Արևելքում պատերազմը խորանում է, Ուկրաինան ակտիվացնում է համագործակցությունը
Լուրերը մեկ տողով. Ավտոտնակների քանդում, դատական գործ, հրդեհներ, Իրանի կոշտ հայտարարությունը
Լուրերը մեկ տողով. ՀՀ-ում քարաթափումների, հրդեհի և երկրաշարժի ֆոնին՝ Մերձավոր Արևելքում ռազմական էսկալացիա
