ՏԵՍԱՆՅՈՒԹ. «Ինչի՞ եք հոխորտում». Ալեն Սիմոնյանը՝ ընդդիմադիր պատգամավորին
Պարոն Սիմոնյան, եթե դուք ինձ չխանգարեիք, ես հասցնեի ավարտել իմ խոսքը, չէի գա ելույթ ունենալու: Այս մասին, այսօր՝ հոկտեմբերի 1-ին, ԱԺ ամբիոնի մոտ հայտարարեց «Հայաստան» խմբակցության պատգամավոր Թադեւոս Ավետիսյանը՝ դիմելով ԱԺ նախագահ Ալեն Սիմոնյանին:
«Հիմա դուք ոչ առիթ կունենաք, ոչ էլ հնարավորություն ինձ խանգարելու, ես իմ մտքերը կշարադրեմ կանոնակարգ-օրենքով ընձեռած հնարավորությունների շրջանակներում: Ում էլ դուր չի գալիս, կարա չլսի»,-ասաց նա:
Ալեն Սիմոնյանն ընդհատեց. «Պարոն Ավետիսյան, հլը մի րոպե, ինչի՞ եք հոխորդում, ուզում եմ հասկանալ: Ուրեմն լսեք, երբ դուք խոսում եք, դուք ունեք սահմանված ժամկետ: Ես ընդամենը ձեզ խնդրել եմ ժամ կետի մեջ մնալ: Այստեղ հոխորտալ, ասել՝ ես ինչ կարող եմ անել, ինչ չեմ կարող անել, խնդրում եմ չասել»:
«Ես չեմ հոխորտում, ես իմ իրավունքներն եմ պաշտպանում»,- ասաց ընդդիմադիր պատգամավորը՝ հիշեցնելով, որ 10 րոպե ժամանակ ունի ելույթի համար:
«Մեկ րոպե էլ ավել ենք տալիս»,- ասաց ԱԺ նախագահը:
