Շատ ուշադիր հետևում ենք իրադարձությունների զարգացմանը․ Բլինքեն
Միացյալ Նահանգները հետևում է Մերձավոր Արևելքում իրավիճակի զարգացմանն՝ ընդգծելով, որ մտադիր է այսուհետ ևս աջակցել Իսրայելի անվտանգության ապահովմանը: Այս մասին հայտարարել է ԱՄՆ պետքարտուղար Էնթոնի Բլինքենը։
«Մենք, իհարկե, շատ ուշադիր հետևում ենք Մերձավոր Արևելքում տեղի ունեցող իրադարձություններին։ Միացյալ Նահանգները հավատարիմ է Իսրայելի անվտանգության ապահովմանը։ Ինչպես ասացի, մենք շատ ուշադիր հետևում ենք իրադարձությունների զարգացմանը», - նշել է ամերիկյան դիվանագիտության ղեկավարը։
Սեպտեմբերի 23-ին Իսրայելի Պաշտպանության բանակը սկսել է «Հյուսիսի նետեր» գործողությունը «Հեզբոլլահ» կազմավորումների դեմ, որի ընթացքում զանգվածային ավիահարվածներ է հասցնում լիբանանյան շիական շարժման ռազմական օբյեկտներին: Սեպտեմբերի 27-ին Բեյրութում տեղի ունեցած հարվածներից մեկի հետևանքով սպանվել է «Հըզբոլլահ»- ի գլխավոր քարտուղար շեյխ Հասան Նասրուլլան: Հոկտեմբերի լույս 1-ի գիշերը իսրայելական բանակը հայտարարել է Լիբանանի հարավային սահմանամերձ շրջաններում սահմանափակ ծավալով ցամաքային գործողություն իրականացնելու մասին:
