Պետք է սթափ նայենք իրավիճակին․ Ռուսաստանը դա չի անի․ Պեսկով

Ռազմավարական հարձակողական սպառազինությունների (ՌՀՍ) շուրջ բանակցություններ վարել ՝ ձեւացնելով, թե ոչինչ տեղի չի ունեցել, խելամիտ չի լինի, Ռուսաստանը չի պատրաստվում դա անել: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:

«Մենք պետք է սթափ նայենք այն իրավիճակին, որը ստեղծվել է և, հաշվի առնելով բոլոր նոր ասպեկտները, բանակցային գործընթացն այսպես կառուցենք։ Մեզ թվում է՝ պնդել, որ նման բանակցություններ վարվեն՝ ձեւացնելով, թե ոչինչ տեղի չի ունեցել, առնվազն խելամիտ չի լինի։ Ռուսաստանը դա չի անի»,- լրագրողներին ասել է Պեսկովը: