ՄԱԿ-ի հաջորդ գլխավոր քարտուղարի պաշտոնում պետք է կին ընտրվի. Կանադայի ԱԳՆ
Կանադայի արտաքին գործերի նախարար Մելանի Ջոլին կարծում է, որ ՄԱԿ-ի հաջորդ գլխավոր քարտուղարի պաշտոնում պետք է կին ընտրվի, քանի որ համաշխարհային կազմակերպության գոյության ողջ ընթացքում կանանց բացակայությունն այդ պաշտոնում անընդունելի է։
«Գրեթե 80 տարի ոչ մի կին չի զբաղեցրել գլխավոր քարտուղարի պաշտոնը, դա անընդունելի է»,-ասել է Ջոլին՝ ելույթ ունենալով Նյու Յորքում ՄԱԿ-ի Գլխավոր ասամբլեայի (ԳԱ) ամբիոնից՝ 79-րդ նստաշրջանի քաղաքական բանավեճի շրջանակում:
Կանադայի արտաքին գործերի նախարարության ղեկավարն ընդգծել է, որ «այդ մեծ հաստատության հաջորդ ղեկավարը պետք է լինի կին»։
