Կալաձեն վիրավորել է Վրաստանի նախագահին
Վրաստանի նախագահ Սալոմե Զուրաբիշվիլին խաբեբա է և երկրի Սահմանադրության առաջին խախտողը, որն իր հայտարարություններով վնաս է հասցնում երկրին: Այս մասին հայտարարել է իշխող «Վրացական երազանք – Ժողովրդավարական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն: Նրա խոսքերը մեջբերում է Sputnik Գրուզիան։
Կալաձեն այսպես է գնահատել Զուրաբիշվիլիի այցը Գերմանիա։ Ինչպես սոցցանցում ավելի վաղ գրել էր Վրաստանում Գերմանիայի դեսպան Պետեր Ֆիշերը, այսօր Բեռլինում Վրաստանի նախագահը կհանդիպի իր գերմանացի գործընկեր Ֆրանկ-Վալտեր Շտայնմայերի հետ:
«Ո՞ւր է գնում «Ազգային շարժման» կոլեկտիվ նախագահ Սալոմե Զուրաբիշվիլին, որը կործանարար ընդդիմության առաջնորդ է, հերթական անգամ խախտելու է Սահմանադրությունը»,-լրագրողներին ասել է Կիրցխալիան։
Նրա խոսքով՝ Զուրաբիշվիլին «ոտնահարել է նախագահի ինստիտուտը»։
«Մենք վստահ ենք, որ նրա յուրաքանչյուր հարթակ և յուրաքանչյուր այց կօգտագործվի հայրենիքի և պետության դեմ»,-հավելեց նա։
Կալաձեն Վրաստանի նախագահին «խարդախ» է անվանել։
Իշխող կուսակցությունը նշում է, որ Զուրաբիշվիլին, որը նախագահ է դարձել «Վրացական երազանքի» աջակցության շնորհիվ, այժմ միացել է արմատական ընդդիմությանը։
