Ֆրանսիայում դանակահարվել է Ալիևի ընդդիմախոսը

Ադրբեջանի նախագահ Իլհամ Ալիեւը կրկին ահաբեկչություն է իրականացրել իր ընդդիմախոսի դեմ։ Այս մասին հայտնում է Ադրբեջանի ընդդիմադիր բլոգեր Սուլեյման Սուլեյմանլին։

Մի քանի ժամ առաջ դանակահարվել է Ֆրանսիայում բնակվող իրավապաշտպան, Ալիևի ռեժիմի թշնամիներից մեկը՝ Վիդադի Իսկենդերլին։ Երեք հոգի ներխուժել են նրա տուն, կոտրել ապակիները և առնվազն չորս անգամ դանակահարել նրան։ Վիդադիի առողջական վիճակը ծանր է, նա կոմայի մեջ է։

«Ահաբեկիչ Ալիեւի հանցագործությունները Եվրոպայում շարունակվում են, Ալիեւի ռեժիմի դեմ պայքարելը հեշտ չէ։ Վաղը նույն ահաբեկչությունը կարող է իրականացվել իմ դեմ։

Պետք է ընդգծեմ, որ մի քանի ամիս առաջ Ադրբեջանի խորհրդարանի պատգամավոր Զահիդ Օրուջը կոչ էր արել սպանել Եվրոպայում ապրող և Ալիևի ռեժիմին ընդդիմացող ադրբեջանցիներին»,- գրել է բլոգերը։