Դա կարող է մեծացնել տարածաշրջանում պատերազմի հնարավորությունները․ Իրանի ԱԳՆ
Իրանը հանդես է գալիս կայուն և անվտանգ Մերձավոր Արևելքի օգտին, սակայն դա չի նշանակում, որ Թեհրանը վախենում է պատերազմից։ Այս մասին հայտարարել է Իսլամական Հանրապետության ԱԳՆ պաշտոնական ներկայացուցիչ Նասեր Քանանին։
«Իրանը բազմիցս փորձել է նախազգուշացնել միջազգային հանրությանը, որ Գազայի դեմ սիոնիստական (Իսրայել) պատերազմի շարունակությունը կարող է հանգեցնել տարածաշրջանի էսկալացիայի և մեծացնել տարածաշրջանում պատերազմի առաջացման հնարավորությունները։ Սա չի նշանակում, որ Իրանը վախենում է պատերազմից։ Մենք չենք ցանկանում դա, մենք փորձում ենք ամրապնդել անվտանգությունն ու կայունությունը տարածաշրջանում», - ընդգծել է Կանանին։
Նրա ելույթը հեռարձակել Է CNN հեռուստաալիքը։
