Այսօր ամբողջ ազգն է հավաքվել, Մայր Տաճարը հիմնանորոգվել է: Այս մասին այսօր՝ սեպտեմբերի 29-ին, լրագրողների հետ զրույցում ասաց ԲՀԿ առաջնորդ Գագիկ Ծառուկյանը:

«Աստված պահապան լինի հայ ազգին, ինձ թվում է Աստված մեր կողքին կլինի, երես չի թեքի մեր ազգից»,-ասաց նա:

Լրագրողների հարցին՝ աջակցու՞մ է Բագրատ սրբազանին, Ծառուկյանը պատասխանեց. «Ես ոչ մեկին չեմ աջակցում, չեմ էլ աջակցելու: Կգա ժամանակը կասեմ, մնացածը հետո կասեմ»:

Հարցին՝ արդյո՞ք իշխանությունները նրան փորձել են քրգործերով ճնշել, ԲՀԿ ղեկավարը նշեց.« Ծառուկյանին ոչ ոք չի կարա ճնշի: Ժամանակը կգա, ձեզ կհրավիրեմ ու բոլոր հարցերին կպատասխանեմ»:

Լրագրողները Գագիկ Ծառուկյանից հետաքրքրվեցին՝ մասնակցելո՞ւ է 2026-ի ԱԺ ընտրություններին։ Ասաց՝ տեղն ու օրը չէ, մեկ ուրիշ անգամ կպատասխանի հարցերին։ «Այնուամենայնիվ, ձեզ նորից տեսնո՞ւմ եք քաղաքականության մեջ»,- հարցրեց լրագրողը։ «Թող մնա գաղտնիք, ավելի լավ չի՞»,- ասաց Ծառուկյանը։