Ռուսաստանի վարչապետը վաղը պաշտոնական այցով կմեկնի Իրան
Ռուսաստանի վարչապետ Միխայիլ Միշուստինը երկուշաբթի պաշտոնական այցով կմեկնի Իրան, որտեղ բանակցություններ կվարի երկրի ղեկավարության հետ, հաղորդում է ՌԴ Նախարարների կաբինետի մամուլի ծառայությունը։
«2024 թվականի սեպտեմբերի 30-ին Ռուսաստանի Դաշնության վարչապետ Միխայիլ Միշուստինը կայցելի Իրանի Իսլամական Հանրապետություն (Թեհրան) և բանակցություններ կվարի Իրանի նախագահ Մասուդ Փեզեշքիանի և Իրանի առաջին փոխնախագահ Մոհամմադ Ռեզա Արեֆի հետ»,- ասվում է հայտարարության մեջ։
Բանակցությունների ընթացքում նախատեսվում է քննարկել ռուս-իրանական համագործակցության ողջ շրջանակը առևտրատնտեսական, մշակութային և հումանիտար ոլորտներում։
