Նասրալլայի սպանությունից հետո ՀԱՄԱՍ-ը հայտարարություն է արել
Պաղեստինյան ՀԱՄԱՍ շարժումը Լիբանանի «Հեզբոլլահ» շարժման հետ միասնական ճակատ է հայտարարում Հարավային Բեյրութի վրա Իսրայելի հարվածների հետևանքով նրանց գլխավոր քարտուղար Հասան Նասրալլայի մահից հետո։
Ավելի վաղ «Հեզբոլլահ» շարժումը հաստատել էր իր գլխավոր քարտուղարի մահը Բեյրութի հարավային արվարձանում գտնվող շենքի վրա իսրայելական ավիահարվածից հետո։
«Իսլամական դիմադրության շարժում ՀԱՄԱՍ-ը սգում է մեր պաղեստինյան ժողովրդի, արաբ և իսլամական ազգի և աշխարհի ազատ ժողովրդի հետ «Հեզբոլլահ»-ի գլխավոր քարտուղար Հասան Նասրալլայի նահատակությունը և նաև հայտնում է իր աջակցությունը մեր պաղեստինյան ժողովրդին և նրա քաջարի դիմադրությանը սիոնիստ թշնամուն դիմակայելու հարցում», – ասված է շարժման ուղերձում։
ՀԱՄԱՍ-ը հավելել է, որ շարժման անդամներն այժմ պետք է միանան «Հեզբոլլահ»-ին՝ պաշտպանելու Ալ-Աքսա մզկիթը:
ՀԱՄԱՍ-ը նշել է՝ պատմությունը ցույց է տվել, որ «սիոնիստական թշնամու» դեմ դիմադրության առաջնորդներին փոխարինում է առաջնորդների մի սերունդ, որոնք «ավելի քաջարի են, ավելի ուժեղ և ավելի վճռական՝ շարունակելու առճակատումը սիոնիստական թշնամու հետ, մինչև նա պարտվի և հեռացվի իրենց հողից և տարածաշրջանից»:
