Սահմանազատման կանոնակարգը համապատասխանում է Սահմանադրությանը․ ՍԴ
Սահմանադրական դատարանը որոշել է, որ Հայաստանի և Ադրբեջանի միջև պետական սահմանի սահմանազատման հանձնաժողովի համատեղ գործունեության մասին կանոնակարգում ամրագրված պարտավորությունները համապատասխանում են Սահմանադրությանը։ Այս մասին հայտնում են ՍԴ-ից։
Որոշման մեջ նաև ամրագրվել է, որ այն վերջնական է և ուժի մեջ է մտնում հրապարակման պահից։ ՍԴ-ն հրապարակել է որոշման միայն եզրափակիչ մասը՝ նշելով, որ որոշումն ամբողջությամբ Սահմանադրական դատարանի պաշտոնական կայքում կտեղադրվի օրենքով սահմանված ժամկետում։ Այդ հատվածում նշված է․
«2024 թվականի օգոստոսի 30-ին ստորագրված «Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի ու Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության մասին» կանոնակարգում ամրագրված պարտավորությունները համապատասխանում են Սահմանադրությանը»:
Որոշումն ամբողջությամբ՝ այստեղ:
