ՆԱՏՕ-ի զորամաս` ՌԴ-ից 140կմ հեռավորության վրա
Սկանդինավյան երկրներում ՆԱՏՕ-ի ցամաքային զորքերի շտաբը կգտնվի Միկելիում, որը գտնվում է Ռուսաստանի սահմանից մոտավորապես 140 կմ հեռավորության վրա։ Այս մասին հայտարարել է Ֆինլանդիայի պաշտպանության նախարար Անտի Հակկանենը։
«Մենք կառաջարկենք Միկելիում ստեղծել ՆԱՏՕ-ի ցամաքային զորքերի ենթաշտաբ»,- ասել է նա (մեջբերում է ՏԱՍՍ-ը):
Այս քաղաքում արդեն գործում է Ֆինլանդիայի ցամաքային զորքերի շտաբը։ Նախկինում հաղորդվում էր, որ խաղաղ ժամանակ շտաբը կներգրավվի տարածաշրջանում ՆԱՏՕ-ի ուսումնական գործունեության պլանավորման և իրականացման գործում։ Նոր կառույցը, որը կոչվում է «բարձր պատրաստվածության շտաբ», կգործի շուրջօրյա և կզեկուցի Միացյալ Նահանգների արևելյան ափին գտնվող Նորֆոլկի հրամանատարությանը:
