Բեյրութի հարավում իսրայելական օդային նոր հարձակման հետևանքով հզոր պայթյուններ են հնչել, հայտնում է Al Jazeera-ն։

Հաղորդվում է, որ բազմաթիվ պայթյուններից հետո ծխի հաստ քուլաներ են բարձրանում Լիբանանի մայրաքաղաք Բեյրութի օդում:

Ըստ իսրայելական լրատվամիջոցների՝ Իսրայելը հարձակվել է Բեյրութում տեղակայված «Հըզբոլլահի» կենտրոնական շտաբի վրա՝ թիրախավորելով կազմակերպության առաջնորդ Հասան Նասրալլահին։

Քիչ առաջ Հըզբոլլահը հայտարարություն տարածեց` ըստ որի Սեյեդ Հասան Նասրալլան ապահով վայրում է։ Այն, ինչ հրապարակվում է հրեական լրատվամիջոցներում, չի համապատասխանում իրականությանը։