Սերբիան նոյեմբերի 1-ից մինչև ջեռուցման սեզոնի ավարտը հույս ունի Ադրբեջանի հետ պայմանագրով 1 մլն խմ բնական գազ ստանալ օրական։ Այս մասին հայտարարել է Սերբիայի էներգետիկայի նախարար Դուբրովկա Ջեդովիչ–Խանդանովիչը` փոխանցում է Ռիա Նովոստին:

Սերբիայի էներգետիկայի նախարարը և նրա ադրբեջանցի գործընկեր Փարվիզ Շահբազովն այսօր հուշագիր են ստորագրել կանաչ էներգետիկայի ոլորտում փոխըմբռնման մասին, իսկ «Սրբիյագազի» և «SOCAR»–ի ղեկավարությունը համաձայնագիր` Ադրբեջանից գազի մատակարարման մասին։

Սերբիայի ներկայացուցիչը հայտարարել է, որ պատրաստ են ռուսական գազի դիմաց ռուբլով վճարել

Ջեդովիչ–Խանդանովիչի խոսքով` 2023 թվականին Բաքվում ստորագրված հուշագիրը նախատեսում է մինչև 2026 թվականը տարեկան մինչև 400 մլն խմ գազի մատակարարում մինչև 1 մլրդ խմ ավելացման հնարավորությամբ։ Արդեն այս ձմեռ` նոյեմբերի 1-ից մինչև մարտի 31-ը, Սերբիան օրական 1մլն խմ գազ կստանա։

Նախարարն ընդգծել է նաև, որ Սերբիայի և Ադրբեջանի միջև էներգետիկ համագործակցությունը դառնում է ռազմավարական և նպաստում երկկողմ հարաբերությունների ամրապնդմանը։

Ադրբեջանի արտգործնախարար Ջեյհուն Բայրամովը սեպտեմբերին հայտարարել էր, որ Ադրբեջանը նախատեսում է ավելացնել Սերբիա գազի մատակարարումները տարեկան մինչև 1 մլրդ խմ։