Իրավիճակը կարող է վերաճել տարածաշրջանային հակամարտության․ Իրանի նախագահ

Լիբանանում իրավիճակը կարող է վերաճել տարածաշրջանային հակամարտության, որը վտանգավոր է ամբողջ աշխարհի համար։ Այս մասին CNN հեռուստաընկերությանը տված հարցազրույցում հայտարարել Է Իրանի նախագահ Մասուդ Փեզեշքիանը։

«Վտանգ կա, որ Լիբանանում տեղի ունեցող իրադարձությունների հրդեհը կտարածվի ողջ տարածաշրջանում։ Մենք չպետք է թույլ տանք, որ Լիբանանը եւս մեկ Գազա դառնա», - ասել է նա

Փեզեշքիանը նախազգուշացրել է, որ այդ իրադարձությունները կարող են վերաճել տարածաշրջանային հակամարտության, որը «վտանգավոր կլինի աշխարհի ապագայի եւ Երկիր մոլորակի համար»: