Մենք երբեք հավանություն չենք տվել Ուկրաինայի դեմ Ռուսաստանի ագրեսիային. Իրանի նախագահ
Իրանի նախագահ Մասուդ Պեզեշկիանը հերքել է Մոսկվային բալիստիկ հրթիռներ մատակարարելու մասին տեղեկությունը՝ ընդգծելով, որ Թեհրանը երբեք չի աջակցել Ռուսաստանի ներխուժմանը Ուկրաինա։ Այս մասին նա լրագրողներին ասել է Նյու Յորքում ՄԱԿ-ի Գլխավոր ասամբլեայում, հայտնում է The Guardian-ը։
Պեզեշկիանը նաև ցանկություն է հայտնել բանակցել Արևմուտքի հետ Ուկրաինայի պատերազմի շուրջ։
«Մենք պատրաստ ենք իրավիճակը քննարկել եվրոպացիների և ամերիկացիների հետ։ Մենք երբեք չենք աջակցել Ուկրաինայի դեմ ռուսական ագրեսիային»,- ասել է նա։
Սեպտեմբերի 16-ին կայացած մամուլի ասուլիսում, պատասխանելով առաջարկվող հրթիռների առաքման վերաբերյալ հարցերին, նախագահն ասել է. «Միգուցե նախկինում նման առաքումներ եղել են։ Սակայն ես կարող եմ երաշխավորել, որ իմ պաշտոնավարման պահից նման առաքումներ չեն եղել»։
