Մենք դեռևս տարաձայնություններ ունենք․ Էրդողան

Թուրքիան ԱՄՆ վարչակազմի հետ տարաձայնություններ ունի իր ազգային անվտանգության հարցերի շուրջ: Այս մասին հայտարարել է երկրի նախագահ Ռեջեփ Թայիփ Էրդողանը:

«Մենք դեռեւս տարաձայնություններ ունենք ամերիկյան վարչակազմի հետ մեր ազգային անվտանգությանը վերաբերող որոշ հարցերի շուրջ», - ՄԱԿ-ի Գլխավոր ասամբլեային մասնակցելու նպատակով Նյու Յորքում գտնվող Թուրքիայի ղեկավարի խոսքը մեջբերում է թուրքական Anadolu պետական գործակալությունը:

Թուրքիայի առաջնորդը նաև հավելել է, որ «ով էլ դառնա ԱՄՆ նախագահ առաջիկա նախագահական ընտրություններից հետո, Անկարայի հայացքն Ամերիկայի նկատմամբ և բարձր մակարդակի երկխոսությունը հարաբերություններում չի փոխվի»: