Էրդողանը` հայ-ադրբեջանական հարաբերությունների մասին
Թուրքիայի նախագահ Ռեջեփ Թայիփ Էրդողանը Նյու Յորքում գտնվող Թուրքիայի տանը ԱՄՆ վերլուծական կենտրոնների ներկայացուցիչների հետ հանդիպմանն անդրադարձել է հայ-ադրբեջանական խաղաղ կարգավորման գործընթացին.
«Ադրբեջանը և Հայաստանը կարևոր հնարավորություն են ստացել Հարավային Կովկասում երկարաժամկետ խաղաղություն և կայունություն ապահովելու համար»,- ասել է նա։
Նրա խոսքով՝ Թուրքիայի սկզբունքային դիրքորոշումն է՝ նպաստել տարաձայնությունների վերացմանը, խաղաղությանը և բարիդրացիական հարաբերությունների ամրապնդմանը։
«Մենք անսասան ենք համարում պետությունների ինքնիշխանության և տարածքային ամբողջականության, ինչպես նաև միջազգային իրավունքի նորմերի նկատմամբ հարգանքը», - ընդգծել է նա:
Խոսելով ՄԱԿ-ի Գլխավոր ասամբլեայում իր առաջիկա ելույթի մասին՝ Էրդողանն ասել է, որ կրկին մտադիր է ասել, որ ՄԱԿ-ի Անվտանգության խորհրդի հինգ ուժերը չեն կարող լուծել աշխարհի բոլոր հարցերը, և այս ձևաչափը վերանայման կարիք ունի։
