Նեթանյահուն հարվածներից հետո հայտարարություն է արել

Իսրայելը վերջին օրերին մի շարք հարձակումներ է ձեռնարկել, որոնք շիական «Հեզբոլլահ» շարժումը չէր կարող կանխատեսել, սակայն շարժման ներկայացուցիչները «կհասկանան ուղերձը»։ Այսպիսի հայտարարություն է արել Իսրայելի վարչապետ Բենիամին Նեթանյահուն X-ում (նախկինում՝ Twitter) հրապարակած տեսաուղերձում։

«Վերջին օրերին մենք Հեզբոլլահին մի շարք հարվածներ հասցրինք, որոնք նրանք նույնիսկ չէին կարող պատկերացնել։ Եթե Հըզբոլլահում դեռ չեն հասկացել ուղերձը, նրանք կհասկանան դա», - հայտարարել է Նեթանյահուն։

Նրա խոսքով՝ Իսրայելը վճռական է հյուսիսում գտնվող բնակիչներին իրենց տներ վերադարձնելու հարցում:

«Ոչ մի երկիր չի կարող հանդուրժել իր բնակիչների վրա կրակոցները և իր քաղաքների գնդակոծությունները, և Իսրայելի Պետությունը նույնպես դա չի հանդուրժի», - հավելել է Նեթանյահուն՝ խոստանալով անել անհրաժեշտ ամեն ինչ անվտանգության վերականգնման համար: