Նա հեռացող մարդ է, դրա համար էլ անպատասխանատու հայտարարություններ է անում․ Պեսկով
ՆԱՏՕ-ի գլխավոր քարտուղար Յենս Ստոլտենբերգի հայտարարություններն այն մասին, թե իբր Ռուսաստանը չի կարողանա պատասխանել արևմտյան զենքով ՌԴ-ի խորքը հարվածներ հասցնելու Ուկրաինայի զինված ուժերի թույլտվությանը, անպատասխանատու են, քանի որ նա շուտով կլքի իր պաշտոնը: Նման կարծիք է հայտնել ՌԴ նախագահի մամուլի քարտուղար Դմիտրի Պեսկովը լրագրող Պավել Զարուբինի հետ զրույցում։
«Նա հեռացող մարդ է, նա շուտով կդադարի աշխատել այնտեղ, որտեղ աշխատել է, դրա համար էլ նման անպատասխանատու հայտարարություններ է թույլ տալիս ինքն իրեն», - ընդգծել է նա:
Մինչ այդ Ստոլտենբերգը հայտարարել էր, որ արևմտյան զենքով դեպի ՌԴ հարվածներ հասցնելու որոշումը չի դառնա կարմիր գիծ, որը կարող է դաշինքը ներքաշել Ռուսաստանի հետ ուղիղ հակամարտության մեջ:
Ստոլտենբերգը հիշեցրել է, որ Ռուսաստանի նախագահ Վլադիմիր Պուտինն արդեն բազմաթիվ անգամ հայտարարել է «կարմիր գծեր», և ինքը չի գնացել էսկալացիայի՝ նկատի ունենալով նաև հակամարտությունում ՆԱՏՕ-ի դաշնակիցների անմիջական ներգրավվածությունը:
