Իսրայելը կձեռնարկի բոլոր անհրաժեշտ միջոցները. Կաց
Իսրայելի քաղաքացիական կենտրոնների վրա «Հեզբոլլահի» հարձակումից հետո արտգործնախարար Իսրայել Կացն այսօր դիմել է տասնյակ ԱԳ նախարարների՝ ասելով.
«Եթե աշխարհը չհեռացնի «Հըզբոլլահին», Իսրայելը դա կանի: Ես կապվել եմ տասնյակ արտգործնախարարների հետ և ակտիվացրել եմ Իսրայելի բոլոր դեսպանատները ամբողջ աշխարհում ՝ հստակ և հաստատուն ազդանշան ուղարկելու համար. Իսրայելը կձեռնարկի բոլոր անհրաժեշտ միջոցները՝ պաշտպանելու իր քաղաքացիներին արյունարբու ահաբեկչական «Հըզբոլլահ» կազմակերպությունից։ Այս ահաբեկչական խմբավորումը հոկտեմբերի 8-ից անդադար հարձակվում է Իսրայելի վրա ՝ սպանելով տասնյակ իսրայելցիների, այդ թվում ՝ ֆուտբոլ խաղացող 12 երեխաների և ստիպելով մոտ 70,000 իսրայելցիների լքել իրենց տները: Իսրայելը գործել է և կշարունակի գործել ՝ կանխելու իր քաղաքացիներին հետագա վնաս պատճառելը: Մենք կանգ չենք առնի, քանի դեռ չենք վերականգնել մեր ժողովրդի անվտանգությունը և թույլ չենք տվել, որ Հյուսիսային բնակիչները վերադառնան իրենց տները»:
Կացը նաև հավելել է.
«Իրանի ահաբեկչական պետությունը կանգնած է «Հըզբոլլահի» հետևում, ինչպես այն աջակցում է ՀԱՄԱՍ-ին, հութիներին և շիա ռազմականացված կազմավորումներին: Աշխարհը պետք է ուժեղացնի Իրանի դեմ պատժամիջոցները և հեղափոխության պահապաններին հայտարարի ահաբեկչական կազմակերպություն»:
