Wildberries-ի հիմնադրի ամուսինն ազատ է արձակվել

Ռուսաստանի Քննչական կոմիտեն Wildberries-ի հիմնադրի՝ Տատյանայի ամուսնու, Վլադիսլավ Բակալչուկի նկատմամբ հանցակազմ չի հայտնաբերել։ Նա ազատ է արձակվել:

Այս մասին հայտնել է գործարարի փաստաբանը։ Նրա խոսքով՝ Բակալչուկը տանն է։

Հիշեցնենք, որ օրերս Մոսկվայում հրաձգություն է տեղի ունեցել Wildberries գլխավոր գրասենյակում՝ սպանվել է անվտանգության երկու աշխատակից։ Ընկերությունը հայտնել է, որ Բակալչուկը փորձել է «ապօրինի մուտք գործել» գրասենյակ իր մարդկանց հետ: Նրան մեղադրանք է առաջադրվել Քրեական օրենսգրքի չորս հոդվածներով, այդ թվում՝ սպանություն։

Հավելենք, որ փոխհրաձգության ժամանակ սպանված անվտանգության աշխատակիցների մարմինները գիշերը բերվել են Ինգուշեթիա։ Մի քանի հազար մարդ էր եկել Մագասի օդանավակայան: