Բանտարկյալների խռովություն Ղազախստանի բանտում. կան վիրավորներ
Ղազախստանի հարավում գտնվող Թուրքեստանի շրջանի գաղութներից մեկում բանտարկյալները խռովություն են կազմակերպել, ինչի հետեւանքով տուժել են Ազգային գվարդիայի երկու զինվորականներ եւ հաստատության աշխատակիցը, հաղորդում է Nur.kz հղում անելով երկրի քրեակատարողական կոմիտեին (ՔԿՎ):
Կալանավորների խումբը բանտում հրկիզում է իրականացրել թմրանյութերի ստուգման ժամանակ, որը նախաձեռնել են բանտի աշխատակիցները։ Խռովությանը մասնակցել է մոտ 400 մարդ, տուժել է երեքը:
Tengrinews-ը գրում է, որ Ղազախստանի քրեակատարողական հիմնարկներում պատիժ է կրում ավելի քան 30 հազար դատապարտյալ, որոնցից 2 հազարը կանայք են: Մեկուսարանում կալանքի տակ է գտնվում ավելի քան 7 հազար մարդ։
Հուլիսին Ղազախստանի ՔՀԿ-ի ղեկավարը հայտարարել էր, որ վերջին չորս տարվա ընթացքում բանտերում կալանավորների թիվն աճել է, եւ դա կապել էր մի շարք քրեական նորմերի խստացման հետ:
