Թեև շատերն ինձ վրա ճնշում են գործադրում, ես հավատարիմ եմ մնալու այս դիրքորոշմանը. Շոլց

Բեռլինը Կիեւին չի փոխանցի թեւավոր հրթիռներ, որոնք կարող են հասնել Մոսկվա։ Այս մասին հայտարարել է Գերմանիայի կանցլեր Օլաֆ Շոլցը ։ Նրա խոսքով՝ ժամանակն է սկսել ուսումնասիրել հակամարտության խաղաղ կարգավորման հնարավորությունները։

«Թեև շատերն ինձ վրա ճնշում են գործադրում, ես չեմ մատակարարի թևավոր հրթիռներ, որոնք կարող են հասնել Մոսկվա։ Ես կարող եմ հավաստիացնել, որ ես հավատարիմ եմ մնալու այս դիրքորոշմանը»- ասել է Շոլցը:

Նա հավելել է, որ այժմ եկել է ժամանակը, երբ Եվրոպան պետք է սկսի ուսումնասիրել ռուս-ուկրաինական հակամարտության խաղաղ կարգավորման հնարավորությունները: