Լիբանանի վարչապետը չեղարկել է այցը ՄԱԿ-ի Գլխավոր ասամբլեա Իսրայելի հետ ճգնաժամի պատճառով

Լիբանանի վարչապետ Նաջիբ Միքաթին շաբաթ օրը չեղարկել է այցը Նյու Յորք՝ ՄԱԿ-ի Գլխավոր ասամբլեայի համար՝ իր երկրի և Իսրայելի միջև լարվածության աճի պատճառով, հայտնում է Times of Israel-ը:

Վարչապետը պարզաբանել է, որ այս որոշումը կայացրել է «հաշվի առնելով Լիբանանում Իսրայելի ագրեսիայի հետ կապված զարգացումները»։

Իսրայելն այս շաբաթ ուժեղացրել է հարվածները լիբանանյան «Հեզբոլլահ» խմբավորման դեմ՝ այն անվանելով իր առաջնահերթությունը: Մինչ այս՝ 2023 թվականի հոկտեմբերից, Գազայի հատվածը համարվում էր իսրայելական բանակի ռազմական գործողությունների առաջնահերթ թատերաբեմը։

Սպասվում է, որ հաջորդ երեքշաբթի կսկսվեն համաշխարհային առաջնորդների ելույթները ՄԱԿ-ի Գլխավոր ասամբլեայում։