Հայտնի են դարձել Զելենսկու «հաղթական պլանի» մանրամասները
ԱՄՆ այցի ընթացքում Վլադիմիր Զելենսկին կփորձի նախագահ Ջո Բայդենից հրավեր ստանալ ՆԱՏՕ և ժամանակակից զենքի մատակարարման պարտավորություններ՝ այսպես կոչված «հաղթական պլանի» իրականացման համար։ Այս մասին գրում Է Bloomberg-ը՝ հղում անելով իր աղբյուրներին։
Բացի այդ, Զելենսկին կներկայացնի Կիևի համար դեպի Եվրամիություն (ԵՄ) հստակ ուղի ունեցող ծրագիր, ինչպես նաև մի շարք համաձայնագրեր անվտանգության և տնտեսության ոլորտում, հայտնել են Գործակալության զրուցակիցները:
«Ուկրաինայի առաջնորդը պլանը նկարագրել է որպես Ռուսաստանի նախագահ Վլադիմիր Պուտինին խաղաղության ձգտման ստիպելու սխեման: Կիևը նաև մտահոգված է, որ առանց նման երաշխիքների հրադադարը Ռուսաստանին վերազինվելուց հետո կրկին հարվածելու ազատություն կտա»,- ասվում է տեքստում։
Նախօրեին ուկրաինական պետության ղեկավար Վլադիմիր Զելենսկին Եվրահանձնաժողովի նախագահ Ուրսուլա ֆոն դեր Լեյենի հետ համատեղ մամուլի ասուլիսում հայտարարել է, որ Մոսկվայի և Կիևի զինված հակամարտությունում անհրաժեշտ է վերջակետ դնել ընթացիկ տարում։ Նրա խոսքով՝ Եվրոպայում բոլորը հետաքրքրված են խաղաղությամբ։
