Իմ կարծիքով, բռնապետությունն արդեն հասել է այնտեղ․ Զախարովա
ԱՄՆ-ում արդեն բռնապետություն է սկսվել, հարցը միայն այն է, թե արդյոք այն կործանարար կլինի, թե երկիրը կկարողանա վերադառնալ «նորմալ» վիճակի: Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, փոխանցում է ՏԱՍՍ-ը։
«Իլոն Մասկն ասել է, որ եթե ընտրությունները տեղի ունենան մեկ այլ արդյունքով, ապա ԱՄՆ-ում բռնապետություն կլինի: Իմ կարծիքով, բռնապետությունն այնտեղ արդեն սկսվել է, հարցն այն է, թե արդյոք դա կլինի ԱՄՆ- ի համար բացարձակապես կործանարար պատմություն, թե նրանք կփորձեն պայքարել բնականոն վիճակին վերադառնալու համար», - ասել է դիվանագետը։
Մինչ այդ ամերիկացի գործարար Իլոն Մասկը հայտարարել էր, որ ԱՄՆ-ն կարող է «բռնակալության մեջ հայտնվել», եթե Հանրապետական կուսակցությունից երկրի նախագահի թեկնածու Դոնալդ Թրամփը չհաղթի 2024 թվականի նոյեմբերին կայանալիք ընտրություններում:
