Այլևս չենք ապրում սև-սպիտակ աշխարհում, որտեղ նախապատվությունը պետք է տրվի 2 կողմերից մեկին․ Էրդողան
Թուրքիայի նախագահ Ռեջեփ Թայիփ Էրդողանն ընդգծել է, որ Անկարան մտադիր չէ ընտրություն կատարել Արևմուտքի և Արևելքի միջև՝ ձգտելով զարգացնել իրավահավասար և փոխշահավետ հարաբերություններ բոլոր կողմերի հետ: Այս հայտարարությունը նա արել է այսօր արտասահմանյան կապալառուների պարգևատրման արարողության ժամանակ՝ նախանշելով Թուրքիայի արտաքին քաղաքականության նոր վեկտորը։
«Թուրքիան, իհարկե, դեմքով դեպի Արևմուտք է։ Սակայն դա չի նշանակում, որ մենք մեջքով կշրջվենք դեպի Արևելք և չենք զարգացնի մեր հարաբերությունները։ Մենք այլևս չենք ապրում սև-սպիտակ աշխարհում, որտեղ նախապատվությունը պետք է տրվի երկու կողմերից մեկին»,- ասել է Էրդողանը։
Թուրքիայի նախագահի խոսքով՝ այնպիսի կազմակերպությունների հետ հարաբերությունների ամրապնդումը, ինչպիսիք են Շանհայի համագործակցության կազմակերպությունը (ՇՀԿ) և BRICS-ը, բնական քայլ է երկրի համար:
«Չկա ավելի բնական բան, քան Ասիայի, խաղաղօվկիանոսյան տարածաշրջանի և հնդկական աշխարհագրության աշխարհի ամենաարագ զարգացող տնտեսությունների հետ մեր համագործակցության ամրապնդումը»,- ընդգծել Է Էրդողանը:
