Մոլդովայի Կենտրոնական ընտրական հանձնաժողովը, հիմնվելով անհեթեթ պնդումների վրա, շինծու պատրվակով սահմանափակել է մոլդովացի ընտրողների իրավունքները Ռուսաստանում: Այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանության մեջ։

«Ռուսաստանում մոլդովացի ընտրողների իրավունքների սահմանափակումն արվել է բացահայտ մտացածին պատրվակով։ Ինչպես նշել են Մոլդովայի ԿԸՀ ներկայացուցիչները, ընթացիկ տարում մեր երկրում անվտանգության հետ կապված իրավիճակը, իբր, զգալիորեն վատթարացել է, եւ Ռուսաստանն, իբր, անվտանգ չէ ընտրատեղամասերի բացման համար: Նման պնդումների անհեթեթությունն ու իրականությունից կտրվածությունն ակնհայտ է» - նշել Է դիվանագետը։

Նա ընդգծել է, որ Քիշնևի համապատասխան որոշումն արդեն մեկնաբանել են հենց Մոլդովայում, որտեղ այն «լայն բացասական արձագանք է առաջացրել»:

Զախարովան նշել է, որ պաշտոնական Քիշնևի այս քայլը տեղավորվում է երկրի իշխանությունների կողմից իրականացվող «ցանկացած այլակարծության ճնշման, ընդդիմության և անկախ լրատվամիջոցների հետապնդման» գծի մեջ:

«Հուսով ենք, այս հերթական հակաժողովրդավարական որոշումը համապատասխան գնահատական կստանա համապատասխան միջազգային իրավապաշտպան կառույցների եւ կազմակերպությունների կողմից», - ամփոփել է դիվանագետը։