Հանրապետական կուսակցությունից ԱՄՆ նախագահի թեկնածու Դոնալդ Թրամփը փորձում է օգտվել Ֆլորիդայում իր դեմ հնարավոր մահափորձից, որպեսզի բարելավի իր վարկանիշը դեմոկրատական կուսակցության թեկնածու Քամալա Հարիսի հետ բանավեճում անհաջող ելույթից հետո: Այս մասին գրում Է Bloomberg գործակալությունը։

Թրամփը մեղադրել է նախագահ Ջո Բայդենին և Հարրիսին «ծայրահեղ սադրիչ հռետորաբանություն» օգտագործելու մեջ, որը, նրա խոսքով, Ֆլորիդայի գոլֆ ակումբում իր կյանքի դեմ մահափորձի պատճառ է դարձել:

«Կրակողը հավատացել է Բայդենի և Հարիսի հռետորաբանությանը և գործել դրան համապատասխան։ Նրանց հռետորաբանությունը հանգեցրել է նրան, որ ինձ վրա կրակում են, մինչդեռ ես փորձում եմ փրկել երկիրը, իսկ նրանք ոչնչացնում են այն՝ թե ներսից, թե դրսից», - ասել Է Թրամփը Fox News Digital-ին տված հարցազրույցում:

Թրամփը նաև ընդգծել է, որ դեմոկրատական կուսակցությունը մեղավոր է համարում այն բանի համար, որ այն ներկայացնում է նրան որպես «ժողովրդավարության սպառնալիք», մինչդեռ, նրա կարծիքով, հենց Բայդենն ու Հարիսն են «իրական սպառնալիք»:

Ինչպես նշում Է Bloomberg-ը, այդ հայտարարությունները, ինչպես նաեւ նրա քաղաքական հակառակորդների վրա մահափորձի պատասխանատվությունը բարդելու փորձը ընդգծում են Թրամփի ձգտումը փոխել նախագահական մրցավազքի ընթացքը եւ վերականգնել նախաձեռնությունը Հարիսի հետ անհաջող բանավեճից հետո, որն ուժեղացրել Է դեմոկրատների դիրքերը: Գործակալությունը պնդում է, որ միջադեպը երկրում ուշադրությունը շեղել է բանավեճում Թրամփի անհաջող ելույթից՝ թույլ տալով նրան նոր փորձ կատարել՝ կասեցնելու նախագահական մրցավազքի օրակարգի վերահսկողությունը: