Ղազախստանի նախագահ Կասիմ Ժոմարտ Տոկաևը Աստանայում Գերմանիայի կանցլեր Օլաֆ Շոլցի հետ հանդիպման ժամանակ հայտարարել է, որ ռազմական առումով Ռուսաստանն անպարտելի է:

Հանդիպման ժամանակ Տոկաևը Շոլցի խնդրանքով խոսել է Ուկրաինայի շուրջ իրավիճակի կարգավորման մասին։

«Փաստ է, որ ռազմական առումով Ռուսաստանն անպարտելի է։ Պատերազմի հետագա էսկալացիան անդառնալի հետեւանքների կհանգեցնի ողջ մարդկության եւ, առաջին հերթին, բոլոր երկրների համար, որոնք ուղղակիորեն ներգրավված են ռուս-ուկրաինական հակամարտության մեջ», - ասել է Տոկաեւը, որի խոսքը մեջբերում է նրա մամուլի ծառայությունը։