ԱՄՆ պետքարտուղար Էնթոնի Բլինքենը զանգահարել է Ադրբեջանի նախագահ Իլհամ Ալիևին: Այս մասին հայտնում են ադրբեջանական լրատվամիջոցները` հղում անելով Ադրբեջանի նախագահի մամուլի ծառայությանը։

Ըստ ադրբեջանական լրատվամիջոցների` Բլինքենն ընդգծել է Հայաստանի և Ադրբեջանի միջև տևական խաղաղության հասնելու կարևորությունը և հայտարարել, որ ԱՄՆ-ն այսուհետ ևս ջանքեր կգործադրի այդ նպատակին հասնելու համար:

Որպես դրական քայլ նա նշել է Հայաստանի և Ադրբեջանի միջև սահմանների դելիմիտացիայի ոլորտում ձեռք բերված հաջողությունները, այդ թվում՝ 2024 թվականի օգոստոսի 30-ին պետական սահմանի դելիմիտացիայի հանձնաժողովների համատեղ գործունեության մասին դրույթի ստորագրումը ։