Այս այցով մենք «մեսիջ» ենք տալիս. Թևանյանն այցելել է Դոնեցկի Ժողովրդական Հանրապետություն
«Մայր Հայաստան» ընդդիմադիր դաշինքի առաջնորդ Անդրանիկ Թևանյանը պատվիրակության հետ առաջին անգամ այցելել է Դոնեցկի Ժողովրդական Հանրապետություն ու հանդիպել տեղի խորհրդարանականների հետ:
Այս մասին հայտնում է ՌԻԱ Նովոստին, հավելելով, որ համատեղ խորհրդակցության ընթացքում հայկական պատվիրակության անդամները և ԴԺՀ-ի խորհրդարանականները կարևորել են երկու երկրների միջև հարաբերությունների զարգացումը, ինչպես նաև կարծիքներ են փոխանակել Հայաստանում այնպիսի բացասական հետևանքների զարգացում թույլ չտալու վերաբերյալ, ինչպիսին Ուկրաինայում է:
«Աննախադեպ այց է, որովհետև մինչ այդ Հայաստանից որևէ քաղաքական պատվիրակություն չի այցելել, այս այցով մենք «մեսիջ» ենք տալիս, որ Հայաստանում կան ուժեր, որոնք կողմ են հայ-ռուսական հարաբերությունների ամրապնդմանը», - լրագրողներին ասել է Թևանյանը:
