ԱՄՆ-ն և Եվրոպան մեզ սպառնում են. Իրանի նախագահ
Իրանը չի ձգտում միջուկային զենք ձեռք բերել, սակայն նրան սպառնում են ԱՄՆ-ն ու Եվրոպան՝ ստիպելով հրաժարվել հրթիռների մշակումից։ Այս մասին հայտարարել է հանրապետության նախագահ Մասուդ Փեզեշքիանը։ Տեղեկատվությունը փոխանցում է ՏԱՍՍ-ը:
«Մենք չենք ձգտում միջուկային զենք ձեռք բերել։ Մեզ սպառնում են ԱՄՆ-ն և Եվրոպան, որպեսզի դադարեցնենք հրթիռային ծրագրերը։ Եթե մենք հրթիռներ չունենանք, նրանք մեզ վրա ռումբեր կգցեն, ինչպես Գազայի հատվածի վրա», - ասել է երկրի նախագահը։
Նրա խոսքով ՝ Իրանը երբեք չի ցանկացել որևէ հակամարտություն հրահրել, սակայն Իսրայելը փորձել է Թեհրանին ներքաշել պատերազմի մեջ՝ մայրաքաղաքում սպանելով ՀԱՄԱՍ-ի քաղբյուրոյի ղեկավար Իսմայիլ Հանիային:
