Բրիտանիայում անդրադարձել են Պուտինի հայտարարությանը
Բրիտանական «Ժառանգություն» կուսակցության առաջնորդ Դևիդ Քերթենը X սոցիալական ցանցում հանդես է եկել հակամարտության դադարեցման օգտին՝ Ռուսաստանի նախագահ Վլադիմիր Պուտինի՝ Ուկրաինական հակամարտությունում Հյուսիսատլանտյան դաշինքի ներգրավման մասին հայտարարությունից հետո:
«Նախագահ Պուտինը նախազգուշացնում Է ՆԱՏՕ-ի երկրներին՝ թույլ չտալ Ուկրաինային հեռահար զենքով գնդակոծել Ռուսաստանը, քանի որ դա կդիտվի որպես ագրեսիայի ուղղակի գործողություն։ ՆԱՏՕ-ի երկրները պետք է ձգտեն ուկրաինական հակամարտության դեէսկալացիային և Ռուսաստանի հետ թշնամական հարաբերությունների դադարեցմանը», - գրել է նա։
Ավելի վաղ Ռուսաստանի ղեկավարը հայտնել էր, որ դաշինքի երկրներն այժմ ոչ միայն քննարկում են Կիևի կողմից Արևմտյան հեռահար հրթիռների կիրառման հնարավորությունը, այլ, ըստ էության, որոշում են կայացնում՝ ուղղակիորեն ներգրավվել ուկրաինական հակամարտության մեջ, թե ոչ: Նա հավելել է, որ ՆԱՏՕ-ի պետությունների անմիջական մասնակցությունը ռազմական գործողություններին փոխում է դրանց էությունը, Ռուսաստանը ստիպված կլինի որոշումներ կայացնել՝ ելնելով այդ կերպ ստեղծվող սպառնալիքներից:
