ԱՄՆ նախագահն ու Մեծ Բրիտանիայի վարչապետը կքննարկեն Ռուսաստանի դեմ ուկրաինական հարվածների արգելքի վերացման հարցը
Սեպտեմբերի 13-ին ԱՄՆ նախագահ Ջո Բայդենը բանակցություններ կվարի Մեծ Բրիտանիայի վարչապետ Քիր Սթարմերի հետ՝ Ռուսաստանի տարածքում արևմտյան հեռահար զենքերով ուկրաինական ռազմական հարվածների արգելքը վերացնելու շուրջ։ Այս մասին գրում է РИА Новости–ն:
Այժմ Արևմուտքը թույլատրում է հարվածներ հասցնել միայն Ղրիմի, Դոնբասի և վերջերս անեքսիայի ենթարկված շրջանների վրա։
Նույն օրը՝ սեպտեմբերի 13-ին, ՄԱԿ-ի Անվտանգության խորհուրդը ռուսական կողմի խնդրանքով Ուկրաինային արևմտյան զենքի մատակարարումների թեմայով նիստ կանցկացնի։
