Նիկոլ Փաշինյանը կմասնակցի ԲՐԻԿՍ-ի գագաթաժողովին

Հայաստանը ԲՐԻԿՍ-ի գագաթաժողովին մասնակցելու է վարչապետ Նիկոլ Փաշինյանի մակարդակով: Այս մասին NEWS.am-ին հայտնեցին կառավարությունից:

Նախօրեին ԱԳ փոխնախարար Մնացական Սաֆարյանը լրագրողների հետ զրույցում հայտարարել էր, որ Հայաստանը մասնակցելու է ինչպես ԲՐԻԿՍ-ի գագաթնաժողովին, այնպես էլ ԱՊՀ ոչ պաշտոնական գագաթնաժողովին:

Հիշեցնենք, որ BRICS-ի ամենամյա գագաթնաժողովը անցկացվելու է հոկտեմբերի 22-24-ը Կազանում։

Անկախ Պետությունների Համագործակցության (ԱՊՀ) երկրների ոչ պաշտոնական գագաթնաժողովը նախատեսվում է անցկացնել Հաղթանակի 80-ամյակի պատվին Մոսկվայում կայանալիք շքերթի նախօրեին։