ԱՄՆ-ն պատրաստվում է մեղադրել Ռուսաստանին․ CNN

ԱՄՆ նախագահ Ջո Բայդենի վարչակազմը մտադիր է Ռուսաստանին մեղադրել ամերիկյան ընտրությունների վրա ազդեցություն գործելու փորձերի մեջ, հայտնում է CNN հեռուստաալիքը՝ հղում անելով իր աղբյուրներին: Նրաց տեղեկություններով՝ Սպիտակ տունը մտադիր է արդեն սեպտեմբերի 4-ին նման պնդումներով հրապարակային հայտարարություն անել, իր հերթին ԱՄՆ Արդարադատության նախարարությունը մտադիր է հայտարարել ընտրությունների վրա իբր ռուսական ազդեցությանը հակազդելու միջոցների մասին:

Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ ԱՄՆ ընտրություններում կհաղթի նա, ում կընտրի ամերիկացի ժողովուրդը, իսկ ՌԴ -ի գործն է չմիջամտել և հետևել:

ԱՄՆ-ում նախագահական ընտրությունները տեղի կունենան նոյեմբերի 5-ին: Ենթադրվում էր, որ դեմոկրատական կուսակցությունը նրանց կներկայացնի Բայդենը, սակայն Դոնալդ Թրամփի հետ հունիսյան բանավեճում նրա ձախողված ելույթից հետո դեմոկրատների շրջանում սկսեցին ավելի հնչել Բայդենին ուղղված կոչեր՝ հրաժարվել պայքարից։ Հուլիսի 21-ին նա որոշեց դուրս գալ մրցավազքից և աջակցեց Կամալա Հարիսի առաջադրմանը երկրի բարձրագույն պետական պաշտոնում: Հանրապետական կուսակցությունից ԱՄՆ նախագահի թեկնածու է առաջադրվել Թրամփը։