Մոնղոլիայից նշում են Պուտինին չձերբակալելու պատճառը
Մոնղոլիայի իշխանությունները ՌԴ նախագահ Վլադիմիր Պուտինին Միջազգային քրեական դատարանի հրամանով կալանավորելու մերժումը բացատրել են էներգետիկ կախվածությամբ: Այս մասին հայտնում է Politico-ն։
Մոնղոլիայի կառավարության աղբյուրը պատմել է, որ Ռուսաստանից էներգետիկ մատակարարումները վճռորոշ են երկրի տնտեսության համար:
Նա հիշեցրել է, որ Ուլան Բատորը նավթամթերքի 95 տոկոսը եւ էլեկտրաէներգիայի ավելի քան 20 տոկոսը ներմուծում Է հարեւան երկրներից, եւ այդ մատակարարումները կարեւոր են բնակչության գոյության ապահովման համար:
Բացի այդ, կառավարության ներկայացուցիչը ուշադրություն է հրավիրել այն փաստի վրա, որ Մոնղոլիան միշտ չեզոքության քաղաքականություն է վարում բոլոր դիվանագիտական հարաբերություններում:
Բանակցությունների ընթացքում Պուտինը նշել է, որ ներկայումս Մոսկվայի և Ուլան Բատորի միջև հարաբերությունները զարգանում են բոլոր ուղղություններով:
