Թրամփը Ցուկերբերգին խոստացել է ցմահ ազատազրկում
ԱՄՆ նախկին նախագահ և Հանրապետական կուսակցությունից պետության ղեկավարի թեկնածու Դոնալդ Թրամփն իր նոր գրքում Meta կորպորացիայի ղեկավար Մարկ Ցուկերբերգին խոստացել է ցմահ ազատազրկում։ Այս մասին հայտնում է Politico-ն։
«Մենք ուշադիր հետևում ենք նրան, և եթե այս անգամ նա ինչ-որ անօրինական բան անի, ապա իր կյանքի մնացած մասը կանցկացնի բանտում, ինչպես մյուսները, ովքեր կխաբեն 2024 թվականի նախագահական ընտրություններում», - հայտարարել է ամերիկացի նախկին առաջնորդը:
Թրամփը պատմել է, որ Ցուկերբերգն իր դեմ դավադրություն է պատրաստել 2020 թվականի ընտրությունների ժամանակ։ Նրա խոսքով՝ իրենց հանդիպման ժամանակ գործարարը «այնքան քաղցր էր, որքան կարող էր»՝ միևնույն ժամանակ դավադրություն կազմակերպելով քաղաքական գործչի դեմ:
