Ուկրաինան չի երկարաձգի իր տարածքով ռուսական գազի տարանցման պայմանագիրը․ Զելենսկի

Կիևը մտադիր չէ երկարաձգել «Գազպրոմի» հետ ռուսական գազի տարանցման պայմանագիրը, որի ժամկետը լրանում է 2024 թվականի վերջին։ Այս մասին հայտարարել է Ուկրաինայի նախագահ Վլադիմիր Զելենսկին։

«Ռուսաստանի հետ պայմանագիրը ոչ ոք չի երկարաձգելու, դրան վերջակետ է դրված», - ասել է նա:

Զելենսկին, միևնույն ժամանակ հավելել է, որ Ուկրաինան Եվրամիության (ԵՄ) հետ համատեղ որոշում կկայացնի իր տարածքով դեպի Եվրոպա ռուսական գազի տարանցման վերաբերյալ: Նա հստակեցրել է, որ խոսքը այլ ընկերություններից գազի տարանցման մասին է։

Bloomberg գործակալությունն էլ հայտնել է, որ Եվրոպական պահեստարաններում գազի պաշարները կարող են չբավարարել ձմռանը չնախատեսված հանգամանքների, դրանց թվում՝ կտրուկ ցրտի կամ Ռուսաստանից վառելիքի մատակարարումների դադարեցման դեպքում:

Նշվում է, որ Եվրոպայում գազապահեստարաններն արդեն գրեթե 90%-ով լցված են՝ նախատեսված ժամկետից ավելի քան երկու ամիս առաջ։ Եվ այս պահուստները պետք է բավարար լինեն, բայց միայն այն դեպքում, եթե «ինչ-որ անկանխատեսելի բան տեղի ունենա»,-պարզաբանում է Bloomberg-ը: