Կիևը նախատեսում է ԱՄՆ նախագահ Ջո Բայդենի վարչակազմին տրամադրել Ռուսաստանի տարածքում այն թիրախների ցանկը, որոնց Ուկրաինայի զինված ուժերը մտադիր են հարվածել ամերիկյան հեռահար զենքով: Այս մասին գրում Է Politico-ն՝ հղում անելով իր աղբյուրներին։

Պարբերականի տվյալներով ՝ ցուցակն այս շաբաթ ԱՄՆ կբերեն Ուկրաինայի պաշտպանության նախարար Ռուստեմ Ումերովը և Վլադիմիր Զելենսկու գրասենյակի ղեկավար Անդրեյ Երմակը։

«Ուկրաինան այս ցուցակն օգտագործում է որպես Վաշինգթոնին Ռուսաստանի տարածքում ամերիկյան զենքի օգտագործման սահմանափակումները վերացնելու վերջին փորձ», — ասվում է հրապարակման մեջ:

Ավելի վաղ Սպիտակ տունը հայտարարել էր, որ ԱՄՆ-ը Կիևի հետ քննարկում է ամերիկյան սպառազինությամբ Ռուսաստանի տարածքին հարվածների խորության ավելացման հեռանկարները։