Դուրովի ձերբակալությունից հետո հաքերները հարձակումներ են կազմակերպել Ֆրանսիական որոշ պետական կայքերի վրա

Telegram–ի հիմնադիր Պավել Դուրովի ձերբակալությունից հետո հաքերները DDoS հարձակումներ են կազմակերպել ֆրանսիական պետական կայքերի վրա: Այս մասին գրում է Le Parisien-ը։

«Պավել Դուրովին աջակցող հաքերային խմբավորումները կիրակի օրը ստանձնել են DDoS հարձակումների պատասխանատվությունը։ Ֆրանսիական մի քանի կայք օրվա ընթացքում դանդաղել են կամ ժամանակավորապես անհասանելի են եղել»,-ասվում է հոդվածում։

Դրանց թվում են պետծառայությունների և բժշկի այցելելու համար առցանց գրանցման հարթակները։ Թերթը նշում է, որ հարձակման են ենթարկվել նաև դեղերի և բժշկական արտադրանքի անվտանգության ազգային գործակալության (ANSM), «Գյուղացիական կոնֆեդերացիա» արհմիության, Voix du Nord թերթի կայքերը, ինչպես նաև մի շարք այլ ռեսուրսներ։