ԱՄՆ-ը հանել Է Սաուդյան Արաբիային մի շարք սպառազինությունների վաճառքի արգելքը, շուտով ռումբեր կմատակարարեն. WSJ

ԱՄՆ-ը հանել է Սաուդյան Արաբիային մի շարք սպառազինությունների վաճառքի արգելքը, հաղորդում է Wall Street Journal-ը:

Առաջիկա ամիսներին Սաուդյան Արաբիան ԱՄՆ-ից կստանա 3 հազար փոքր տրամագծի ռումբ և 7,5 հազար բարձր ճշգրտության կառավարվող Paveway IV ռումբ:

«Բայդենի վարչակազմն առաջիկա ամիսներին Սաուդյան Արաբիային ավելի քան 750 մլն դոլարի ռումբեր կմատակարարի», — գրում է պարբերականը՝ հղում անելով Վաշինգտոնում և Էր Ռիադում պաշտոնական աղբյուրներին:

2021 թվականին Պետդեպարտամենտը ժամանակավորապես դադարեցրել է որոշ ռազմական գործարքների կատարումը՝ առանց մանրամասնելու։ Ավելի ուշ New York Times-ը հայտնել էր, որ Վաշինգտոնը նախատեսում է դադարեցնել հարձակողական սպառազինությունների վաճառքը Սաուդյան Արաբիային:

2023 թվականի դեկտեմբերին New York Times-ը, վկայակոչելով ամերիկացի պաշտոնյաներին, հայտնել էր, որ ԱՄՆ-ը պատրաստվում է թուլացնել Սաուդյան Արաբիային զենքի որոշակի տեսակների վաճառքի սահմանափակումները՝ պաղեստինա-իսրայելական հակամարտության պատճառով տարածաշրջանում հնարավոր սրման ֆոնին։