ՀԱՄԱՍ-ի նոր առաջնորդը հետաքրքրված է Իսրայելի հետ գործարքով մինչև Իրանի հարձակումը. ԶԼՄ
Պաղեստինյան «ՀԱՄԱՍ» շարժման քաղբյուրոյի նոր ղեկավար Յահյա Սինվարը շահագրգռվածություն է հայտնել Իսրայելի հետ հրադադարի և պատանդների ազատ արձակման վերաբերյալ գործարքի հասնելու հարցում՝ նախքան Իրանի հետ իրավիճակի սրումը: Այս մասին հայտնել է իսրայելական հեռուստատեսության 12-րդ հեռուստաալիքը՝ հղում անելով ՀԱՄԱՍ-ի աղբյուրներին։
Սինվարը ուղերձ է հղել ՀԱՄԱՍ-ի ղեկավարներին, որոնք գտնվում են Գազայի հատվածից դուրս: Դրանում նա Պաղեստինյան շարժմանը կոչ է արել իսրայելական կողմի հետ պայմանավորվել անկլավում ռազմական գործողությունների դադարեցման մասին՝ նախքան Իրանի և Լիբանանյան «Հեզբոլլահի» կողմից Իսրայելի վրա հնարավոր հարձակումը:
Նշվում է՝ շարժման նոր առաջնորդը լավ հարաբերություններ չունի Թեհրանի հետ, բացի այդ, նա լուրջ ճնշման է բախվում ՀԱՄԱՍ-ի ռազմական ղեկավարության կողմից:
