Արաբկիրի նախկին թաղապետը կտեղափոխվի ՔԿՀ

Վերաքննիչ դատարանը երեկ՝ օգոստոսի 8-ին, բավարարել է Գլխավոր դատախազության բողոքն ու Արաբկիրի թաղապետ Արամ Ազատյանին տնային կալանքից ՔԿՀ տանելու որոշում կայացրել։ Այս տեղեկությունը NEWS.am-ին հաստատել է Ազատյանի փաստաբան Արթուր Պիվազյանը։

«Դատարանի որոշումը կհարապարկվել է երեկ, սակայն որոշման հիմնավորմանը ծանոթ չենք, դեռևս Ազատյանը գտնվում է իր տանը։Սպասելի չէր մեզ համար այս որոշումը։ Պատրաստվում ենք անպայման բողոքարկել Վճռաբեկ դատարան»,- փոխանցել է Արթուր Պիվազյանը։

Հիշեցննեք՝ Քննչական կոմիտեն տեղեկացրել էր, որ ՔԿ պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում համապատասխան քրեական վարույթը նախաձեռնվել և քննվում է քրեական օրենսգրքի 441-րդ հոդվածի («Պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը») 2-րդ մասի 2-րդ և 4-րդ կետերի, 46(հանցակցություն)-441-րդ հոդվածի 2-րդ մասի 2-րդ և 4-րդ կետերի, 435-րդ հոդվածի («Կաշառք ստանալը») 2-րդ մասի 3-րդ և 4-րդ կետերի, 436-րդ հոդվածի («Կաշառք տալը») 2-րդ մասի 3-րդ կետի և 437-րդ հոդվածի («Կաշառքի միջնորդությունը») 1-ին մասի հատկանիշներով։

ՔՕ տարբեր հոդվածներով մեղադրանքներ են ներկայացվել 8 անձանց, այդ թվում՝ Երևանի Արաբկիր վարչական շրջանի աշխատակազմի 3 պաշտոնատար անձանց: