ՏԵՍԱՆՅՈՒԹ. Արտակարգ դեպք. Երևանի կենտրոնում ավտոմեքենա է հրդեհվել
Auroranews-ը ահազանգ է ստացել, որ Երևանում` Սայաթ Նովա պողոտայի թիվ 15 փողոցի բակում կայանված մեքենայի մեջ հրդեհ է բռնկվել: Մեզ հայտնեցին, որ մեքենաների սխալ կայանման պատճառով բակ մտնող ճանապարհը փակ էր, ինչի հետևանքով հրշեջ մեքենան չէր կարողանում մտնել շենքի բակ: Մեզ ահազանգած քաղաքացու խոսքով, այդ պատճառով կրակը դժվարությամբ է հաջողվել հանգցնել:
Ինչպես հայտնում է shamshyan.com-ը` այսօր՝ օգոստոսի 7-ին, արտակարգ դեպք է տեղի ունեցել Երևանում: Ժամը 02:50-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Սայաթ Նովա պողոտայի թիվ 15 հասցեի մոտ ավտոմեքենա է այրվում:
Պարզվել է, որ հրդեհ է բռնկվել Ռուդոլֆ Մ.-ին պատկանող «Lexus» մակնիշի ավտոմեքենայում:
Մինչ հրշեջների ժամանումը կրակի տարածման դեմ պայքարել են վարորդն ու քաղաքացիները, ապա հրշեջները մարել են այն, սակայն ավտոմեքենան դարձել է ոչ շահագործելի:
Հրդեհի հետևանքով տուժածներ չկան:
