ԼՈՒՍԱՆԿԱՐ. Չելյաբինսկում կայծակը դիպել է կնոջ ուսին և դուրս եկել ոտքի միջով
Կայծակը հարվածել է Եկատերինբուրգի բնակչուհուն, որը հանգստանում էր Չելյաբինսկի մարզում։ Այս մասին տեղեկացնում է E1.ru-ն:
37-ամյա տուժածի ամուսնու՝ Վադիմի խոսքով՝ հուլիսի 20-ին իր կինը մեկնել է Միասս՝ Տուրգոյակ լճում ընկերուհիների հետ հանգստանալու։ Տղամարդը կապի մեջ է եղել կնոջ հետ, բայց հետո նրան հայտնել են, որ Անաստասիան վերակենդանացման բաժանմունքում է։
Ամուսինը նշում է, որ կայծակը դիպել է Անաստասիայի ուսին և դուրս եկել ոտքի միջով։ Տուժածին հետազոտած բժիշկներից մեկը հայտնել է, որ իր 30-ամյա պրակտիկայում նման դեպքեր չեն եղել, եւ «դրանից հետո» ոչ ոք ողջ չի մնում:
Օրերս կինը դուրս է եկել կոմայից, եւս երկու-երեք ամիս և կանցնի նախկին կյանքին, նշում են բժիշկները:
