Մադուրոն Մասկին մեղադրել Է Վենեսուելայում պետական հեղաշրջման փորձի մեջ
Աջակողմյան ֆաշիստները, ինչպիսին է ամերիկացի գործարար Իլոն Մասկը, կանգնած են Վենեսուելայում պետական հեղաշրջման անհաջող փորձի հետևում: Այս մասին հայտարարել է հանրապետության նախագահ Նիկոլաս Մադուրոն մամուլի ասուլիսի ժամանակ: Նա նաև զուգահեռ է անցկացրել 2019 թվականի իրադարձությունների հետ, երբ որոշ երկրներ, այդ թվում՝ ԱՄՆ-ը, ճանաչել են ինքնահռչակ նախագահ Խուան Գուայդոյին: Մադուրոյի խոսքով՝ Վաշինգտոնը ցանկանում է Վենեսուելայում բեմադրել «այդ ֆիլմի երկրորդ մասը», փոխանցում է ՏԱՍՍ-ը։
«Սա ԱՄՆ-ի կողմից ղեկավարվող պետական հեղաշրջում է և <...> աջակողմյան ֆաշիստներ, ինչպիսիք են Իլոն Մասկը և (Արգենտինայի նախագահ Խավիեր) Միլեյը։ Ընտրարշավն օգտագործեցին՝ փորձելով նոր ուժ ստեղծել։ Մի կողմից՝ հանցագործ, մյուս կողմից՝ վենեսուելացիներ, ընդդիմադիրներ»,- ասել է նախագահը։
Ավելի վաղ Մասկը, որն ընդունել էր Մադուրոյի մենամարտի մարտահրավերը, հայտարարել էր, որ Վենեսուելայի առաջնորդին կտանի Կուբայի Գուանտանամո: Վերջինս գործարարին հրավիրել է մենամարտելու Բոլիվարյան Հանրապետության տարածքում։
